ໃນຕອນເຊົ້າຂອງວັນທີ 14 ມີນາ 2024ນີ້ ຢູ່ທີ່ສະໂມສອນ ເມືອງໄຊ ຈັດກອງປະຊຸມເພື່ອຜ່ານຮ່າງເອກະສານຂອງກອງປະຊຸມໃຫຍ່ໜ່ວຍພັກຫ້ອງການສຶກສາທິການ ແລະ ກິລາ ເມືອງໄຊ ສະໄໝທີ V ຕິດພັນກັບການທາບທາມບຸກຄະລາກອນຮອບທີ 1 ພາຍໃຕ້ການເປັນປະທານຂອງ ສະຫາຍ ທອງທິບ ສຸພັນສີ ກຳມະການພັກເມືອງເລຂາໜ່ວຍພັກ ຫ້ອງການສຶກສາທິການ ແລະ ກິລາເມືອງໄຊ, ໃຫ້ກຽດເຂົ້າຮ່ວມໂດຍ ສະຫາຍ ສົມນຶກ ສິດທິລາດ ຄະນະປະຈຳພັກເມືອງ-ຮອງເຈົ້າເມືອງເມືອງໄຊ, ມີຄະນະປັບປຸງກົງຈັກການຈັດຕັ້ງຂັ້ນເມືອງ ແລະ ສະມາຊິກພັກຫ້ອງການສຶກສາທິການ ແລະ ກິລາ ເມືອງໄຊເຂົ້າຮ່ວມ.
ຈຸດປະສົງເພື່ອໃຫ້ເນື້ອໃນເອກະສານຖືກຕ້ອງຄົບຖ້ວນກ່ອນເປີດກອງປະຊຸມໃຫຍ່ໜ່ວຍພັກຫ້ອງການສຶກສາທິການ ແລະ ກິລາເມືອງໄຊ ສະໄໝທີ V ທາບທາມບຸກຄະລາກອນຮອບທີ 1 ເນື້ອໃນ ແລະ ວິທີການດຳເນີນ ສະຫາຍ ບຸນເຮືອງ ອຸລາຫຼົງ ຮອງເລຂາໜ່ວຍພັກ ຜ່ານຂໍ້ຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບກະກຽມ-ດຳເນີນກອງປະຊຸມໃຫຍ່ຄັ້ງທີ V ຂອງໜ່ວຍພັກຫ້ອງການສຶກສາທິການ ແລະ ກິລາເມືອງໄຊ, ຈາກນັ້ນສະຫາຍ ທອງທິບ ສຸພັນສີ ເລຂາໜ່ວຍພັກ ຜ່ານຮ່າງບົດສຳຫຼວດການນຳພາລວມຂອງຄະນະພັກໃນໄລຍະ 5 ປີຜ່ານມາ ແລະ ຜ່ານແຜນພັດທະນາເສດຖະກິດຂອງກົມກອງ ໃນອີກ 5 ປີຕໍ່ໜ້າ.
ຫຼັງຈາກນັ້ນ, ສະຫາຍ ສົມນຶກ ສິດທິລາດ ຄະນະປະຈຳພັກເມືອງ ຮອງເຈົ້າເມືອງ ມີຄຳເຫັນເຈາະຈີ້ມໃຫ້ສະມາຊິກພັກໃນການປະກອບຄຳຄິດເຫັນໃສ່ບົດສຳຫຼວດການນຳພາລວມ
ຜູ້ເຂົ້າຮ່ວມກອງປະຊຸມປະກອບຄຳຄິດຄຳເຫັນໃສ່ຮ່າງບົດສຳຫຼວດການນຳພາລວມ ແລະ ຮ່າງແຜນພັດທະນາເສດຖະກິດຂອງກົມກອງເຊັ່ນ:
ໃນບົດສຳຫຼວດການນຳພາລວມ ສະພາບຈຸດພິເສດໃຫ້ຍົກໃຫ້ເຫັນວ່າສາຍຕັ້ງຂອງເບື້ອງພັກ ແລະ ເບື້ອງລັດແມ່ນຂື້ນກັບໃຜ, ເພີ່ມວຽກງານຕິດຕາມກວດກາພັກໃຫ້ເຫັນແຈ້ງໃນການຈັດຕັ້ງປະຕິບັດຕື່ມອີກຄະນະປັບປຸງກົງຈັກການຈັດຕັ້ງເມືອງໄຊ ຜ່ານມາດຖານເງື່ອນໄຂຂອງບຸກຄະລາກອນຜູ້ອອກສະໝັກ.
ສະຫາຍ ສົມນຶກ ສິດທິລາດ ຄະນະປະຈຳພັກເມືອງ-ຮອງເຈົ້າເມືອງເມືອງໄຊ ຜູ້ຊີ້ນຳວຽກງານວັດທະນາທຳ-ສັງຄົມ ໄດ້ໃຫ້ຄຳຄິດເຫັນ ແລະ ເນັ້ນໜັກກ່ອນການທາບທາມວ່າ, ໃຫ້ພິຈາລະນາເບິ່ງບຸກຄົນທີ່ມີມາດຖານເງື່ອນໄຂທີ່ເໝາະສົມ ແລະ ພິຈາລະນາເບິ່ງເພດ, ເຜົ່າໂດຍກວມເອົາ 3 ລຸ້ນ(ອາວຸໂສ, ກາງ ແລະ ໜຸ່ມ)
ໃຫ້ຍົກສູງພາລະບົດບາດຄວາມຮັບຜິດຊອບໃນການໃຊ້ສິດປະຊາທິປະໄຕຂອງຕົນໃນການຄັດເລືອກເອົາຜູ້ທີ່ເໝາະສົມທີ່ສຸດເພື່ອຈະມານຳພາ ແລະ ແກ້ໄຂບັນຫາໃນຂະແໜງການສຶກສາໄດ້ ດຳເນີນການທາບທາມທິດທາງແຜນການຕໍ່ໜ້າຄະນະປັບປຸງກົງຈັກການຈັດຕັ້ງຂັ້ນເມືອງຈະໄດ້ນຳເອົາຜົນຂອງການທາບທາມບຸກຄະລາກອນໃນຄັ້ງນີ້ໄປຄົ້ນຄ້ວາພິຈາລະນາ ແລະ ເປັນບ່ອນອີງໃນການທາບທາມບຸກຄະລາກອນໃນຮອບຕໍ່ໄປ ຄຳເຫັນຊີ້ນຳຂອງປະທານ.
ຕອນທ້າຍກອງປະຊຸມ ສະຫາຍ ສົມນຶກ ສິດທິລາດ ກຳມະການພັກເມືອງ-ຮອງເຈົ້າເມືອງເມືອງໄຊ ຜູ້ຊີ້ນຳວຽກງານວັດທະນາທຳ-ສັງຄົມ ໄດ້ໃຫ້ຄຳຄິດເຫັນ ແລະ ເນັ້ນໜັກບາງບັນຫາເຊັ່ນ:
ໃຫ້ຕີລາຄາຄືນໃນການຊີ້ນຳ-ນຳພາຂອງຄະນະພັກໃນໄລຍະຜ່ານມາວ່າຍັງມີຈຸດໃດທີ່ຍັງຄ້າງຄາ, ການຄຸ້ມຄອງບຸກຄະລາກອນພາຍໃນ ແລະ ໂຮງຮຽນໄລຍະຜ່ານມາໄດ້ເຮັດຄືແນວໃດ, ບັນຫາຄູອາຈານສະເໜີລາອອກຊີມີວິທີທາງແກ້ໄຂແນວໃດ, ຄຸນນະພາບການຮຽນການສອນຂອງຄູອາຈານດີພຽງພໍແລ້ວບໍ່, ການຊຸກຍູ້ຊ່ວຍເຫຼືອໂຮງຮຽນຂອງຫ້ອງການເຮັດໄດ້ດີແລ້ວບໍ່, ການປະລະຂອງນັກຮຽນມີແນວໂນ້ມສູງຂື້ນຈະມີວິທີແກ້ໄຂແນວໃດ, ຕໍ່ກັບຫາງສຽງການຕັດສິນຜົນງານຄູ ແລະຍ້ອງຍໍທີ່ບໍ່ແທດເໝາະກັບຄວາມເປັນຈິງແມ່ນຍ້ອນຫຍັງ, ໄດ້ຂະບວນການແນວໃດ?
ເພື່ອເປັນການຫວນຄືນມູນເຊື້ອວັນສ້າງຕັ້ງສະຫະ ພັນກຳມະບານລາວ ຄົບຮອບ 69 ປີ (01 ກຸມພາ 1956 -01 ກຸມພາ 2025) ແລະ ຜົນງານຂອງສະຫະພັນກຳ ມະບານເມືອງເງິນ ແຂວງໄຊຍະບູລີໃນໄລຍະຜ່ານມາ ໃນວັນທີ 4 ກຸມພາ 2025ນີ້ ຢູ່ທີຫ້ອງປະຊຸມໃຫຍ່ຂອງເມືອງເມືອງເງິນ ແຂວງໄຊຍະບູລີ.ໄດ້ຈັດພິທີປະຖະກະຖາເລົ່າຄືນມູນເຊື້ອວັນສ້າງຕັ້ງສະຫະພັນກຳມະບານລາວ,ໂດຍການເປັນກຽດເຂົ້າຮ່ວມແລະໃຫ້ກຽດປະຖະກະຖາຂອງທ່ານ ນາງ ສີຈົມ ບຸນມານະທຳ ພະ ຮອງເລຂາພັກເມືອງໆເງິນ, ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າ,ຮອງຫົວໜ້າຫ້ອງການ,ອົງການ,ກົມກອງ,ພະນັກງານຫຼັກແຫຼ່ງ,ຄະນະບໍລິຫານສະຫະພັນກຳມະບານເມືອງ, ຄະນະກຳມະບານຮາກຖານພ້ອມສະມາຊິກກຳມະບານພາຍໃນເມືອງເຂົ້າຮ່ວມ.
ໃນພິທີທ່ານ ນາງສີຈົມ ບຸນມານະທຳ ຮອງເລຂາພັກເມືອງໆເງິນໄດ້ໃຫ້ກຽດປາຖະກະຖາເລົ່າຄືນມູນເຊື້ອຂອງວັນສ້າງຕັ້ງສະຫະພັນກຳມະບານລາວ ເຊີ່ງໄດ້ຍົກໃຫ້ເຫັນມູນເຊື້ອການເຕີບໃຫຍ່ຂະຫຍາຍຕົວຂອງວັນສ້າງຕັ້ງສະພັນກຳມະບານລາວວັນທີ 01 ກຸມພາ 1956, ປະຫວັດຄວາມເປັນມາ ກໍ່ຄືໄລຍະການຕໍ່ສູ້ກູ້ຊາດ ຂອງຊົນຊັ້ນກໍາມະກອນ ແລະ ຜູ້ອອກແຮງງານລາວບັນດາເຜົ່າໃນ ເມື່ອກ່ອນ ພາລະກໍາປະຫວັດສາດ, ຈຸດພິເສດ ເເລະ ຄຸນລັກສະນະອັນດີເລີດ ຂອງຊົນຊັ້ນກໍາມະກອນລາວ ໃນການຕໍ່ສູ້ປົດປ່ອຍຊາດ, ປົກປັກຮັກສາ, ສ້າງສາ ແລະ ພັດທະນາປະເທດຊາດ ເສີມຂະຫຍາຍມູນເຊື້ອອັນດີງາມ ຂອງຊົນຊັ້ນກໍາມະກອນລາວ ໃນເມື່ອກ່ອນຈົນເຖິງ ປັດຈຸບັນ ເເລະ ສະຫະພັນກໍາມະບານແຕ່ລະຂັ້ນໄດ້ເສີມຂະຫຍາຍທາດແທ້ລັກສະນະອັນດີເລີດ, ມູນເຊື້ອອັນ ດີງາມ ຂອງກໍາມະກອນລາວ ບັນດາເຜົ່າໃນຕະຫຼອດໄລຍະ 69 ປີ ໄດ້ທົບທວນຜົນງານຕົວຈິງ ຂອງສະຫະພັນ ກໍາມະບານ ໃນການເຄື່ອນໄຫວວຽກງານກໍາມະບານແຕ່ລະໄລຍະ ແລະ ຜົນງານພົ້ນເດັ່ນໃນຫນຶ່ງປີຜ່ານມາ.ຈຸດປະສົງກໍ່ເພື່ອເປັນການສຶກສາອົບຮົມທາງດ້ານການເມືອງ-ແນວຄິດ ໃຫ້ແກ່ຖັນແຖວສະມາຊິກກໍາມະບານ, ກໍາ ມະກອນ ເເລະ ຜູ້ອອກແຮງງານ ໄດ້ຮັບຮູ້ເຖິງຄວາມຫມາຍ ແລະ ຄວາມສໍາຄັນ ກ່ຽວກັບພາລະບົດບາດ, ສິດ ແລະ ໜ້າທີ່ ຂອງສະຫະພັນກໍາມະບານລາວ ໃນໄລຍະໃຫມ່ ເຊິ່ງເປັນອົງການຈັດຕັ້ງທີ່ເປັນຕົວແທນແຫ່ງການປົກປ້ອງ ສິດຜົນປະໂຫຍດອັນຊອບທໍາ ຂອງສະມາຊິກກໍາມະບານ, ກໍາມະກອນ ເເລະ ຜູ້ອອກແຮງງານ ພ້ອມທັງເປັນການ ເສີມຂະຫຍາຍທາດແທ້, ມູນເຊື້ອປະຕິວັດ, ຄຸນລັກສະນະອັນດີເລີດ ຂອງຊົນຊັ້ນກໍາມະກອນລາວ ພາຍໃຕ້ ການນໍາພາ ຂອງພັກປະຊາຊົນປະຕິວັດລາວ; ເປັນການປຸກລະດົມຂົນຂວາຍໂຄສະນາໃຫ້ສະມາຊິກກໍາມະບານ, ກໍາມະກອນ ແລະ ຜູ້ອອກແຮງງານ ໃຫ້ມີຄວາມຮັບຮູ້, ເຂົ້າໃຈ ກ່ຽວກັບມູນເຊື້ອການເຕີບໃຫຍ່ຂະຫຍາຍຕົວ ຂອງສະຫະພັນກໍາມະບານລາວ, ທີ່ຕິດພັນກັບມູນເຊື້ອການຕໍ່ສູ້ກູ້ຊາດແຕ່ລະໄລຍະຈົນເຖິງປະຈຸບັນ ຂອງຊົນຊັ້ນກໍາມະກອນ ແລະ ຜົນງານການ ປະກອບສ່ວນເຂົ້າໃນການປົກປັກຮັກສາ ເເລະ ສ້າງສາພັດທະນາປະເທດຊາດ, ແນໃສ່ປູກຈິດສໍານຶກ ແລະ ຫວນ ຄືນມູນເຊື້ອອັນອົງອາດກ້າຫານ ຂອງສະມາຊິກກໍາມະບານ, ກໍາມະກອນ ແລະ ຜູ້ອອກແຮງງານ ທີ່ໄດ້ຕັ້ງຫນ້າປະ ກອບສ່ວນເຂົ້າໃນການເຄື່ອນໄຫວວຽກງານກໍາມະບານລາວ ແລະ ປຸກລະດົມໃຫ້ສະມາຊິກກໍາມະບານຕັ້ງຫນ້າ ປະຕິບັດວຽກງານວິຊາສະເພາະ ຂອງຕົນ, ມີລະບຽບວິໄນໃນການອອກແຮງງານ ແລະ ການຈັດຕັ້ງປະຕິບັດຂໍ້ ແຂ່ງຂັນ 5 ເປັນເຈົ້າ ໂດຍຕິດພັນກັບຂໍ້ແຂ່ງຂັນ “ຮັກຊາດ ແລະ ພັດທະນາ”.ທັງເປັນການຈັດຕັ້ງເຜີຍແຜ່ເຊື່ອມຊຶມແນວທາງແຜນນະໂຍບາຍ ຂອງພັກ, ກົດຫມາຍ, ລະບຽບການ ຂອງລັດ ແລະ ຂອງກໍາມະບານ ໃຫ້ສະມາຊິກກໍາມະບານ, ກໍາມະກອນ ເເລະ ຜູ້ອອກແຮງງານ ໃຫ້ມີຄວາມ ມີສະຕິຕໍ່ການຈັດຕັ້ງ, ມີລະບຽບວິໄນ, ມີຄວາມສາມັກຄີແໜ້ນແຟ້ນຢູ່ອ້ອມຂ້າງພັກ.
ໃນຕອນທ້າຍຍັງໄດ້ເຊື່ອມຊືມເອກະສານຜົນສໍາເລັດກອງປະຊຸມຄົບຄະນະບໍລິຫານງານສູນກາງພັກຄັ້ງທີ 9 ສະໄໝທີXI ແລະ ຜົນສຳເລັດກອງປະຊຸມຄົບຄະນະຄັ້ງທີ 3 ຂອງຄະນະກໍາມະການສູນກາງພັກຄອມມູນິດຈີນ ຄັ້ງທີ XX
ມູມສູງ ເມືອງເງິນ ແຂວງໄຊຍະບູລີ ປະເທດລາວ Ngeng district, Xayaboury, Laos
